O epistolario do enxeñeiro de minas Ramón Rúa-Figueroa a Manuel Murguía (1866-1873)

O artigo valora o epistolario de Ramón Rúa-Figueroa Fraga a Manuel Martínez Murguía, 89 cartas enviadas entre agosto de 1866 e xuño de 1873. Ese número converte a Rúa-Figueroa no principal interlocutor epistolar de Murguía nun período histórico ben relevante. A correspondencia amosa unha relación de bastante confianza e permite acceder a interesantes elementos biográficos e proxectos dos protagonistas.